Âh kim ol meh-likâ ben mübtelâyı gözlemez
Çevri âdet edinip mihr ü vefâyı gözlemez
Nâz ile seyr ettiğince âh u efgânım bu kim
Hüsnüne mağrûr oluptur merhabâyı gözlemez
Âh ol fettân u şûh-i dil-rübâdan kim müdâm
îd eder bigânelerle âşinâyı gözlemez
Cân hümâsı gözlemez illâ ki zülfün ukdesin
Murg-ızîrek gerçi kim dâm-ı belâyı gözlemez
Dil nicesi kılmasın la’lin şerâbın ârzû
Var mıdır bir hasta kim dâr-i şifâyı gözlemez
Yıllar oldu gözlemez hâlin Melihinin habîb
Pâdişâh-ı kâmrân lâbüd gedâyı gözlemez