FeǾilātün FeǾilātün FeǾilātün FeǾilün

 

1 Aňlayan Ǿālemi taĥśįline zaĥmet çekmez

ǾĀķil olan kişi āb üstine śūret çekmez

2 Rūşenā ŧıynet olan ħvār-ı ġurbet çekmez

Mihr-i tebdįl-i burūc itmede zaĥmet çekmez

3 Ne ķadar dāfiǾ-i endūh ise ħoş-meşreb ise

Yārsız bāde-i gül-fāmı ŧabįǾat çekmez

4 Çāk çāk itmez ise tįşe-i Ǿafvuñ yā Rāb

Günehüm kūhını mįzān-ı Ǿadālet çekmez

5 Mekteb-i Ǿaşķda dil ŧıflı ħatā itmeyicek

Bināgūşuň sebaķ-āmuz-ı hidāyet çekmez

6 Mey-i Ǿaşķuň ne ħumārı ne śadāsı çekilür

Böyle bir cāmı çeken śoñra nedāmet çekmez

7 Kişi tavruñ gözedüp olmasa ĥadden ħāric

İntifāǾ itmez ise bāri mażarrat çekmez

8 Çekilür nesne degül ġuśśa-i devrān yoķsa

Rind bir neşǿe içün sāķiye minnet çekmez

9 Ĥāmiyā ħātem-i bį-faśś gibidür hāle miŝāl

Kim ki āġūşına bir māh ķıyāfet çekmez

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017