Belâ dildendür ol cânân elinden

Gazel I

1. Belâ dildendür ol cânân elinden dâdumuz yokdur

 Göñüldendür şikâyet kimseden feryâdumuz yokdur

2. Niçün ‘ışk ehlini yâd itmez ol la’l-i Mesîh-âsâ

 Bilür hod ‘âlem-i ervâha nisbet yâdumuz yokdur

3. Harâbât ehline rûz-i hisâbı añma ey vâ’iz

 Bizüm hergiz bu varlık defterinde adumuz yokdur

4. Togup kumrî-sıfat biz anadan tavk-ı mahabbetle

 Esîr-i kayd-ı derd ü mihnetüz âzâdumuz yokdur

5. Mukarrer şâ’ir-i şîrîn-zebânuz Nev’iyâ ancak

Bu devr içinde bir şöhret virür Ferhâd’umuz yokdur

(Tulum - Tanyeri, 1977)

 Nev'i Hayatı

Malkaralı Nevi Divanı ve Diğer Eserleri