Ben habâb–ı bahr–ı ‘aşkam kâr ü bârum sorma hîç

Gazel

Ben habâb–ı bahr–ı ‘aşkam kâr ü bârum sorma hîç

Mevce–i gird–âb–ı şevkam rûzgârum sorma hîç

Şem’–i bezm–i vuãlatam pervâne sûzân hâlüme

Sûzişüm besdür saña hâk–i mezârum sorma hîç

Eyle insâf ü mürüvvet-nişleyem mecbûrıñam

Lâ’ übâlì âşıkam ben ihtiyârum sorma hîç

Cûybâr–ı menba’um dil–teşne seyyâhî hazar

Zulmet içre âb–ı hayvânam diyârum sorma hîç

Âteşîn–dil 'âşıkâne sûzişi besdür hüner

Şâhsâr–ı şu ‘leyem kim berg ü bârum sorma hîç

Eyledi iksîr–i ‘aşkuñ kalbi sâfî rûyı zerd

Sikkedâr–ı şâh–ı ‘aşkam gel cayârum sorma hîç

Neş’ etâ yek–tâ –dür–i deryâ–yı feyzem ben velî

Çâr–sû–yı ‘âlem içre ictibârum sorma hîç

Genç, İlhan (1998). Hoca Neş’et, Hayatı, Edebî Kişiliği ve Divânının Tenkidli Metni. İzmir: Kanyılmaz Matbaası. 280, 330, 331.

 Hoca Neşet Hayatı ve Edebi Yönleri