GAZEL

Bir gün ölmelü dirilenlere cânân görinür
Nite kim öldüği demde kişiye cân görinür

Yüri var mey-gedede karşuma gelme nâsıh 
K'elüme sâgar alıcak gözüme kan görinür

İki zülfün iki ejder gibi görindüğ'içün
Orta yirinde lebün mühr-i Süleymân görinür

Hârdan havlı düzüb saklayımaz seni rakîb
Nereden bakar isen serv-i hırâman görinür

Yine ol gözleri âhû seni Mecnûn itmiş
Ey Necâtî gözüne yine beyâbân görinür

 

sağar: kırmızı şarap dolu kadeh
Lebün: dudakların
hardan: dikenlerden
Rakip: Sevgilinin diğer aşığı ,
Serv-i Hıraman: Yürüyen Selvi - yani sevgili-
Beyaban: Çöl