Fāʿilātün fāʿilātün fāʿilātün fāʿilün
Bir ṣanem egnine almış sīm ü zer ḳaftānlar
Yaraşır yolında ḳurbān olsa yüz biñ cānlār
Bu libāsuñ vaṣfın işitse meleklerden revān
Çāḳ ideydi ḥüllesini ḥūrī vü ġılmānlar
Kevkeb·i seyyareveş seyreyledükçe gündüzin
Ṭolmuşidi her ṭarafdan māh ile meydānlar
Başumı ṭop eylemişdüm ben eġerçi çalmaġa
Dil-rübālar eylemişidi zülfüni çevgānlar
Der-gehüñden dil-berā dūr itme Mihrī bendeñi
Gerçi çokdur āsitānuñda senüñ der-bānlar
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
0
0
Yorum Yapmak için Kayıt Olun veya Giriş Yapın