Biz ‘ışka esîr olduk sultâna nedür hâcet
Bir mülk-i ebed bulduk vîrâna nedür hâcet
Ger mîr ü vezîr ü şâh hep cümle esîr ü bend
Âzâde olan rinde zindâna nedür hâcet
3. Biz gülşen-i vahdetde dâyim iderüz cilve
Dehrüŋ gül ü gülzârın seyrâna nedür hâcet
Deryâ-yı hakîkatde bulduk dür-i yek-tâyı
Salduk sadef-i sırra ‘ummâna nedür hâcet
5. Pîrüŋ der-i lutfunda NEHCÎ bize feth oldı
Genc-i güher-i maksad pes kâna nedür hâcet
Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012