Feʿilātün feʿilātün feʿilātün feʿilün
Bize meyl eyleridi geh geh o çeşm·i ḳaralar
Menʿ iderler oları bir iki yüzi ḳaralar
Düşeli ʿışḳı hevāsı(y)la deryā·yı ġama
Görmedi zevraḳ·ı dil ḥadd ü kenār ü ḳaralar
Çekse zülfini ṣanem ruẖları üstine n'ola
Yaraşur Kaʿbenüñ örtüsi ki ola ḳaralar
İtdiler ʿāşıḳ·ı şūrīdelerüñ ʿışḳunı pāy
Ḳorḳaram vaṣluña daẖi geleler el ḳaralar
Cānı vir yār işiginde gel ey dil ṣādıḳ(i)señ
Āşıḳ oldur ki anuñ ṭopraġa ḳanın ḳaralar
ʿIşḳ bābın daẖi bir vech(i)le taḥrīr idemez
Miḥrī kim bunca zamān defter ü divān ḳaralar
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
0
0
Yorum Yapmak için Kayıt Olun veya Giriş Yapın