Bizi aġyār veş ālūde bed-meşreb ķıyās itmiş

MefāǾįlün MefāǾįlün MefāǾįlün MefāǾįlün

1 Bizi aġyār veş ālūde bed-meşreb ķıyās itmiş

İşitdik bezme teşrįf itmeden ol meh ḥirās itmiş

2 Kibāruñ nažresi iksįr dirler şimdi ķalb olmış

Zer-i iĥsānuñ altun adını bunlar nüĥās itmiş

3 Nedür dildāra ki žālim bu ħūn-rįzāne cünbişler

Günahkār olmamış bir būse senden iltimās itmiş

4 Ruħından būse-çįn ol sāye-i zülfinde ārām it

MaǾāş itmiş nehārı Ĥaķ bize leyli libās itmiş

5 Miyān-ı ħvāb-ı bį-dārįde tiryākį-śıfat şimdi

Bizi sızdırmış afyon-ı ġam įrāŝ-ı nüǾās itmiş

6 Mey-āşāmāna virmiş leblerinden būseler sāķį

Yaķışdırmış o rümmānį meyüñ nuķlüñ kirās itmiş

7 Delįl-i rāh olup ān-est nāra nūr-ı Ǿirfānı

Kelįm-i ħāme gelmiş Ŧūr-ı dilden iķtibās itmiş

8 Maĥall-i feyż idi fevvāre-i kilk-i hüner evvel

Dirįġā seyl-i ġam taħrįb-i mecrā-yı ĥavās itmiş

9 Ne mümkindür iķāmet mezraǾ-ı Ǿālemde ey Ĥāmį

Hilālüñ çerħ-i dihķān keşt-zār-ı Ǿömre dās itmiş

Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017