Bu tâk-ı lâciverdî zer-beft otağun olsun

Gazel

Bu tâk-ı lâciverdî zer-beft otağun olsun

Mihrî ile yanınca iki solağun olsun

Adâ-yı bed-nihâda ‘azm-i sefer kılıcak

Tîğ-i zafer elünde yalın yarağun olsun

Sultân-ı bahr u bersün devlet serîri üzre

Her dem nesîm-i himmet çâbük ulağun olsun

Çarh-ı berîne hem-ser olub livâ-yı ‘adlün

Ser-menzil-i sa‘âdet dâ’im konağun olsun

Lutf it ‘Ubeydî’nün gel uyar murâdı şem‘in

Bu tekye-i cihânda yanar çerâğun olsun

Ubeydi Abdurrahman Çelebi Hayatı Edebi Kişiliği