Būy·ı zülfüñ gibi ʿanber-bār ü miskīn olmaya

Fāʿilātün fāʿilātün fāʿilātün fāʿilün

1.            Būy·ı zülfüñ gibi ʿanber-bār ü miskīn olmaya

               Ḫadd ü ḳaddüñ gibi raʿnā serv ü nesrīn olmaya

2.            Bister·i nesrīn gerekmez bir dem ārām itmege

               Āsitānuñ gibi dil miskīne bālīn olmaya

3.            Var mıdur bir yer ġamuñdan aġladuḳça dōstum

               Gözlerümüñ ḳanlu yaşı ile rengīn olmaya

4.            Gerçi ġamzeñ ḳaṣd·i cān itmekde tīr-endāzdur

               Līk çeşmüñ gibi ḳan içici bī-dīn olmaya

5.            Olmadı bir dem düşelden Mihrī ʿışḳıñ nārına

               Sīne yanup dil göyinip dīde nemgīn olmaya

 Mihri Hatun Hayatı Şairliği