Gazel

 

Mefâilün feilâtün mefâilün feilün

 

Çalarsa nâmuma ger kûs-ı iştihâr-ı suhan

Zamâne kim benüm ol şâh-ı kâmkâr-ı suhan

 

Sürersem esb-i hüner Husrevâne cevlâna

Benem yegâne-i yek-rân u şeh-süvâr-ı suhan

 

İderdi gelse bugün Husrev ile Hâkânî

Cenâb-ı tab’uma nisbetle iftihâr-ı suhan

 

Sunaydı Hâfız u Sa’dîye meşrebüm câmı

Olurlar idi ki bezmümde cür’a-hvâr-ı suhan

 

Olurdı Tâlibî ‘Örfî bu tarz-ı hâsun eger

Geleydi devrüme eyler mi idi ‘âr-ı suhan

 

Tutardı kûşe-i gûşında tâ eger Şâhî

K’ireydi sem’ine bu dürr-i şâhvâr-ı suhan

 

Kılup kabûlı kemâl-i hasenle beş gencin

İderdi Nehcî Nizâmî sana nisâr-ı suhan (Aslan 2012: 196-197)

 

Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012

BESNİLİ NEHCİ DEDE KİMDİR