Cezîre-i Gîrît' de Kal’a-i Kandiye fethine olan târîhdür

Cezîre-i Gîrîdde Kal’a-i Kandiye fethine olan târîhdür

1. Zıll-ı Hudâ şâh-ı memâliksitân

 Gâzî-i bû’l-feth-i ‘adâlet-güzîn

 Hân Muhammed ki şehân-ı cihân

 Dergehinüŋ bendesidür kemterîn

3. ‘Ömri füzûn dâyim ola mülki tâ

 Tura zemîn devr ide çarh-ı berîn

 Kandiye fethine idüp ihtimâm

 Saldı vezîrin çü o şâh-ı güzîn

5. Âsaf u Cem-kadr u Sikender-meniş

 Sâhib-i ‘ilm ü hüner ü ‘akl ü dîn

 Kâmi’-i makhûre-i küfr ü ‘inâd

 Bânî-i ma’mûre-i şer’-i mübîn

7. ‘Adl ü kerem cûd u sehâ-pîşesi

 Nazm-ı umûr itmede fikri zerin

 Olsa revâ mihr-i felek şem’dân

 Re’y-i münîri ki o bir şem’-i dîn

9. Meş’ale-efrûz-ı tarîk-i hüdâ

 Mes’ele-âmûz-ı hıred hurde-bîn

 Hayl-i hizebrân ile itdi hisâr

 Kal’ayı der-hâl o şîr-i ‘arîn

11. Pür-dil olup ‘asker-i İslâmiyân

 Toldı hirâs ile dil-i müşrikîn

 Zann-ı halâs ile bilüp kal’ayı

 Kendülere gerçi hisâr-ı hasîn

13. Lîk bu temkîn ü hücûmı görüp

 Bilmedi ol kavm dalâlet rehin

26 Fikr: zikr P, T / eser: -AH.

4 KT2: AH 84b

, T 23a

 ve 92a

. Başlık: velehû T. (Recez: Müfte’ilün müfte’ilün fâ’ilün)

ÜZEYİR ASLAN

74

 Kim yürüyüp böyle gelen bî-gümân

 Kûh-ı girân seng ü salâbet-karîn

15. Kal’aların yıkup ider târumâr

 Olsa da dîvârı eger âhenîn

 ‘Acz ile âhır didiler el-amân

 Kalmadı çün zerrece cây-ı mekîn

17. ‘Afv-ı şehen-şâhî irüp oldılar

 Bîm-i belâ-yı ser ü cândan emîn

 Dâdgerâ dâver-i dîn-perverâ

 Ey olan İslâma zahîr ü mu’în

19. Mu’cize-i Ahmedî idüp zuhûr

 Yârî kılup ‘avn-i Cihân-âferîn

 Kandiye kal’asını feth eyledüŋ

 Kanda yâ bir böyle hisâr-ı metîn

21. İtdüŋ arıdup sanem ü şirkden

 Deyrlerin ma’bed-i ehl-i yakîn

 Gayret-i dîn saŋa müsellem saŋa

 Âferîn ey sadr-ı güzîn âferîn

23. Kahruŋ ile agladı küffâr-ı şûm

 Lutfuŋ ile güldi zamân u zemîn

 Hâsılı ey sadr-ı mükerrem budur

 Saŋa hulûs ile du’âmuz hemîn

25. Dâyim ola nusret-i Hak reh-berüŋ

 Feth ü zafer yâr u felek zîr-i zîn

 ‘Ömrüŋ ola hadd-i ‘adedden füzûn

 Tâ ki ola ‘add-i şuhûr u sinîn

27. Bir seher-i feyz-eserde hemân

 Sem’-i dilin NEHCÎ-i zâr u hazîn

 ‘Âlem-i envâra tutup itdi gûş

 Bu zafer ü feth-i ‘azîmüŋ yakîn

29. Hâtif-i gaybî didi târîhini

 Nasrun ‘azîz innahu fathun mubîn [1080/1670]

Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012

BESNİLİ NEHCİ DEDE KİMDİR