MefāǾįlün MefāǾįlün MefāǾįlün MefāǾįlün

 

1 Cinān-resmüñ Diyār-ı bekrde taśvįr ider mehtāb

Kenār-ı Dicle’yi mānend-i cūy-ı şįr ider mehtāb

2 Kemālüñ naķś-ı noķśānuñ kemāli olduġın der-pey

Lisān-ı ĥāl ile kāmillere taķrįr ider mehtāb

3 Bilür noķśānını taķlįd-i ĥüsnüñ idemez pinhān

Anuñçün pençe-i ħūrşįd ile el bir ider mehtāb

4 Ħalāś olmaz kişi hem-reng-i āzār u cefāsından

Ketāne sāǿir eşyādan füzūn teǿŝįr ider mehtāb

5 Şükür naķl-ı nücūma vażǾ idüp bir māh-tābānı

ān-ı çerħe hāleden peşkįr ider mehtāb

6 Ġurābuñ başı emr-i mümteniǾ dirler niçe bilmem

Sevād-ı zāġ-ı şāmı bir nefesde pįr ider mehtāb

7 Meger kim nįş-i ħvār-ı Ǿaķreb-i çerħ olduġın bilmiş

Ledįġ-i şām-ı hecre şįr ile tedbįr ider mehtāb

8 Ĥesābın cebr-i noķśān görmek üzre ayda bir kerre

Muĥarrerdür ki aydın kişverin taħrįr ider mehtāb

9 Sevād-ı cürm ile kesmem ümįdi nūr-ı raĥmetden

Ĥicāb-ı žulmeti bir laĥžada tenvįr ider mehtāb

āb-ı ġafleti mūy-ı siyeh Ĥāmį sefįd oldı

Mizāc-ı iǾtidāl-ı naǾįmi taġyįr ider mehtāb

 

               

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017