mefʿūlü fāʿilātü mefāʿīlü fāʿilün
Çün nev-bahār·ı devlet·i Şāh·ı cihān ola
Ḫōrşīd·i bī-zevāl mey·i erġavān ola
Sāḳī düşerse sāġara ʿaksi ʿiẓāruñuñ
Pīr·i ẓaʿīf olanlar içerse cevān ola
Bir būsesine cān virüb almaḳ olur velī
Ol dil-rübāya istemezüz kim ziyān ola
ʿAşıḳlaruñ çoġ olduġın az görme dōstum
Bulımayasın çoġ istiyesin bir zemān ola
Yüzüm ayaġı tozına şol vaḳtin ire kim
Yerden zer ile gök yüzine nerdübān ola
Sen bī-vefāyi terk·i cefā itdi didiler
Gerçekler işidüb didi şallāh yalan ola
Düşman Necātī ile bir olmaz ʿaleˀl-ẖuṣūṣ
Ben zülfüñüñ figendesi ol bir fülān ola