Cürmüm nedir ki dilbere bizden ṣafāsı yoḳ
Mefūlü fāilātü mefāīlü fāilün
Cürmüm nedir ki dilbere bizden ṣafāsı yoḳ
Ben bendesine ẕerrece meyl ü vefāsı yoḳ
Her bir ẖabīs̲le ṣalınur nice ölmeyem
Gördükçe beni yüz çevirür merḥabāsı yoḳ
ʿIşḳuñ esīri derd ile dermānda kim begüm
Alsañ bizim de göñlümüz ele ẖaṭāsı yoḳ
Her bī-nevāya vaṣl·ı nevāsın ʿaṭā ider
Ben bī-nevāya zerrece vaṣl·ı ʿaṭāsı yoḳ
Bir nev-bahāra bir gün olur kim ẖazān irer
Ġırra olma ḥüsne sevdügüm āẖir beḳāsı yoḳ
Her māh-rūy ʿāşıḳuñ āhı duẖanıile
Hiç görmedüñ ki soñra yüzinüñ ḳarası yoḳ
Atma Halil-veş beni odlāre ey rakīb
ʿĀşıḳ bu yolda yanmaġa ṣanma rıżāsı yoḳ
Ey dil hemīşe cevr ü cefāya taḥammül it
Ṣanma cihānda her kişinüñ bir belāsı yoḳ
Mihrī gerekse yolına cān vir gerek cihān
Oynar güler rakīb ile senden ṣafāsı yoḳ
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
