Defter-i Aşk'tan 2

Defter-i Aşk'tan

Hüsn bir mevhibe-i uzmâdır

Aşk bir câzibe-i Mevlâdır

Hüsn bir şâh-ı hümâyûn-ahter

Aşk ana turfe gedâ-yı kemter

Hüsn bir şu'le-i nâmûs gibi

Aşk ol şu'leye fânûs gibi

Hüsn bir âhû-yı vahşî-cândır

Aşk ana me'men-i bî-pâyândır

 Hüsn bir cür'a-i âb-ı Kevser

Aşk ana kâse-i âteş-peyker

Reh-ber-i âlem-i bâlâdır aşk

Nerdübân-ı der-i Mevlâdır aşk

Âteş-i aşkla âhen zer olur

Aşkla hâk-i siyeh cevher olur

Aşk her gâfili âgâh eyler

Câhili ârif-i billah eyler

Aşkdır perde-güşâ-yı tahkîk

Halvet-i hazrete bir mahfî tarîk

Hüsne meyl eylemeyen nâdândır

Düşmeyen aşka belî hayvândır

Enderunlu Fâzıl Hayatı

Hubanname