Der-Beyân-ı Zenân-ı Çerkes

Zenanname'den

Der-Beyân-ı Zenân-ı Çerkes

Çerkesin kızları meh-pâre olur

Anda âşık ne ki isterse bulur

Nahl-i vâlâ-yı kadi muhkemdir

Sanki meh yüzine bir süllemdir

Ana dü pây-ı nazarla çıkılır

Dîde-i kalb ile ammâ bakılır

Leb ü ruh olmuş iken meyhâne

Dîdeler olsa n'ola mestâne

Çünki yâkût yaratılmış o dudağ

Oldı aksi dil-i uşşâka dü dâğ

Mihr ü mehden teni olmuş taktîr

Nice olsun o ten-i pâke nazîr

Gürcüden gerçi ki bunlar zîbâ

Gürcünün cezbesi çokdur ammâ

Cümlesi perde-nişîn-i ismet

Pâk-dâmendir o yektâ millet

Pâk olur mâ-hasalı pîş ü pesi

Sevb-i ırzında bulunmaz lekesi

Sanma bu millete bir benzer ola

Bu cihân içre meger Gürcü ola

Enderunlu Fâzıl Hayatı

Hubanname