Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Devr-i gül geçdi dirîgâ içmedüm gül-gûn şarâb

Bu melâlinden be-gâyet dostlar hâlüm harâb

 

Gerçi kim şerbet virüp perhîz umar eyler tabîb

Olmaya bir şerbet-i sâfî velî çün la‘l-i nâb

 

Her kişi gül-çihresiyle ‘îşde bülbül gibi

İñlerem ben hâr-ı gamdan toldı göñlüm ıztırâb

 

Ehl-i diller bezm-i gülde mey içün bülbül olur

Âh kim gam âteşi eyler benüm bagrum kebâb

 

Ey Behiştî hikmet ile sıhhat isterseñ müdâm

Koma ol dârûyı sen elden ki eyler şeyh u şâb

 

Dr. Yaşar AYDEMİR, BEHİŞTÎ DÎVÂNI,