108
mefʿūlü fāʿilātü mefāʿīlü fāʿilün
Dil kişverine zülf·i siyāhuñ belā yeter
Yıḳmaġa bu vilāyeti ol ejdehā yeter
Geh yaş gelür gözümden ü geh yaş yirine ḳan
Derd·i derūnı bilmege bu mā-cerā yeter
Çoḳlar semend·i nāz binüb yeldürür velī
Meydān·ı ḥüsn içinde bulunmaz saña yeter
Laʿlüñ ẖayāl ile dile zülfüñ sitemleri
Ger bal eger belā ise ey dil-rübā yeter
Ey çarẖ sen de yār gibi olma bī-vefā
Zīrā bu deñlü ʿāleme bir bī-vefā yeter
Bīmār·ı ʿışḳa şerbet ile eyleme ʿilāc
Var ey ṭabīb ḳo beni derdüm baña yeter
Cānuma geçdi ġamzeñe hey di teraḥḥum it
Oldı ġaraẓ cefā ise ey ḳaşı ya yeter
Tek yirde gökde ẕerre ḳadar minnet olmasın
Örti döşek Necātīˀye bir būriyā yeter
Ali Nihad Tarlan, Necāti Divanı -