Fāʿilātün fāʿilātün fāʿilātün fāʿilün

Dil ser·i zülfüñe ber-dār olmaġa cānın sürer
Ölmeġe yir ister uşda geldi urġānın sürer

Boynuma ṭaḳsañ n'ola cānā kemend·i zülfüñi
ʿĪd·i vaṣl irse ḳaçan her kişi ḳurbānın sürer

Ṭār ü mār itmiş ruẖında yār zülf-i ʿanberīn
Ṣanasın ṭāvūsdur gülşende cevlānın sürer

ʿĀşıḳa maʿşūḳ çün cevr ide gelmişdür ezel
Terk·i ʿādet eylemez her kişi erkānın sürer

Mihrī·yi dil-ẖastenüñ ḥālin ṣorarsa yāra diñ
Bir nefes ḳalmışdurur ammā āh ol cānın sürer

 

Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4