Dîvân-ı Bahâr-ı Efkâr'dan Gazel

Dîvân-ı Bahâr-ı Efkâr'dan Gazel

Bu gice görmiş idüm hânemi vîrân olmış

Çıkdı ta'bîri hat-ı yâr nümâyân olmış

Kurı bir şöhreti var tâk-ı zer-endûde ile

Var mı bir çeşme-i hur-şîdde reyyân olmış

Aklı gelsün deyü zülf-i siyehe bend ideli

Dil-i sevdâ-zede gitdükçe perîşân olmış

Şimdi bildüm dögilince yüregüm kûs gibi

Yeni bir şâh serîr-i dile hâkân olmış

O bütün gûşe-i ebrûsını kılmış mihrâb

Kâfir-i zülfine şaşdum ki müselmân olmış

Olmaz ikrâr-ı hatâ şûh-ı hat-âverde dahı

Görmedük eyledigi cevre peşîmân olmış

Her biri behre-i ihsânını görmiş İzzet

Bâb-ı Monlâ’da çok abdâl gazel-hân olmış

Kaynakça

Mengi, M. (2005). Eski Türk Edebiyatı Tarihi: Edebiyat Tarihi-Metinler (11.

Baskı). Ankara: Akçağ Yayınları.

Özyıldırım, A.E. (29.12.2014). İzzet Mollâ, Keçecizâde Mehmed İzzet Efendi.

http://www.turkedebiyatiisimlersozlugu.com adresinden alındı.

Şentürk, A. A., ve Kartal, A. (2009). Eski Türk Edebiyatı Tarihi. İstanbul: Dergâh

Yayınları

Keçecizade İzzet Molla 

Mihnet Keşan