Dü aâlem şahı olsam

Gazel

Dü-âlem şâhı olsam hâtırım nâ-şâddır sensiz

Bana kevn ü mekân ma‘nâsı yok bir dâddır sensiz

Eger dûzahsa fi’l-vâki‘ karârın ey büt-i tersâ

Gözümde ravza-i cennet harâb-âbâddır sensiz

Per-i Cibrîl olursa pisterim ten râhat eyler mi

Ki her bir mû tenimde sûzen-i fûlâddır sensiz

Belâ-yı hasretinle haşre dek azm-i remîm olsam

Yine her üstühânım nây-ı pür-feryâddır sensiz

Gamınla ey hevâyî-meşrebim hep âhdır kârım

Efendim Fâzıl’ın cân u dili berbâddır sensiz

Arslan, Mehmet (hzl.) (2010). Tayyâr-zâde Atâ Osmanlı Tarihi, Târîh-i Enderûn. C. 4. İstanbul: Kitabevi Yay. 465.

 Enderunlu Fâzıl Hayatı

Hubanname