Dürr-i gam rûyumuza keşifle olmakta fütuh

Gazel

Dürr-i gam rûyumuza keşifle olmakta fütuh

Halimi hame ile eylesem olamaz meşruh

Bu belâ damına üftad olalı can ü dilim

Şemşir-i hicriyle pejmürde vücûdum mecruh

Ham edip kametimi cevr-i cihân hırsından

Serime seng-i cefâ yağmada her lahza vuzûh

Kılmadı devr-i felek kimseye mihrin baki

Dil onun terki için eyle bana tevbe nasuh

Dehr bir bahr-i felâket seni gark eylemede

Râh-ı evlad-ı Ali’dir merd-i keşti-i Nuh

Damen-i aşkı tutup cümle sevdâdan dûr ol

Neş’e-i zikr-i düvazdeh eyle kuvvet bula ruh

Olacak dilde Turâbî eser-i mihr-i Ali

Ede tariki feda bu sevi fethi sebuh

Altınok, Baki Yaşar (hzl.) (2006). Turâbî Dîvanı Yanbolulu Ali Turâbî Baba. İstanbul: Horasan Yay. 62.

 Türabi Ali Yanbolulu Hayatı Şiirleri Diğer Turabiler