Ehl-i ‘ışk âteşe düşdiler oda yanmadılar

Fe‘ilâtün/ Fe‘ilâtün/ Fe‘ilâtün/ Fe‘ilün

Ehl-i ‘ışk âteşe düşdiler oda yanmadılar

Bahre gark oldılar ammâ suya ıslanmadılar

Sâkıyâ mug-beçenüñ meykede dîvâneleri

Şerbetin döne döne içdiler uslanmadılar

Hüsn içinde seni hâlüñ gibi bir dâne görüp

Dil ü cân ‘âşıkuñ olmakda iki sanmadılar

Ey dil-i teşne visâl âbına meyl itme k’anı

Niceler içdi velî kâbil olup kanmadılar

Virme dünyâya Behiştî hazer it göñlüñi kim

Zen-i mekkâreye merdâneler aldanmadılar

Dr. Yaşar AYDEMİR, BEHİŞTÎ DÎVÂNI,

 Vizeli Behişti Ramazan Hayatı Eserleri