Elif ki bāġ-ı ĥurūf içre serv-i ħoş-ķaddür

MefāǾilün FeǾilātün MefāǾilün FeǾilün

1 Elif ki bāġ-ı ĥurūf içre serv-i ħoş-ķaddür

Anuñ içün ŝemer-i Ǿucmeden mücerreddür

2 Cünūd-ı ĥarf-ı hecāya elif sipeh-büddür

Öñünce ĥarbeli ķavvāśı śūret-i medddür

3 O nā-ħaleflere dāġum ki ebcedi bilmez

Tefāħur itdügi dāǿim dilinde ebceddür

4 Ne fāǾide ħazef-i bed-güher virürse eger

Ebüm zümürrüd-i ħađrā cedüm zeberceddür

5 Kemāl-i ġaflet ile cāĥil oldı zindeye gör

Dil-i füsürdesi meyyit derūnı merķaddür

6 Olur mı mürşid-i ġayr-ı reşįde cennet mülk

Egerçi vaķf-ı velį vaķf-ı ibn-i erşeddür

7 Egerçi ħūbdur esbāb-ı ĥüsni ser-tā-pā

O kāküli siyehi cümleden ser-āmeddür

8 Ķapılma ehl-i nifāķuñ kelām-ı dil-keşine

Ki cümle sözleri taġrįrdür ħoş-āmeddür

9 Egerçi devlet-i Ǿirfāna ĥamd ider ķatı çoķ

Velį bu niǾmet-i Ǿužmāya Ĥāmį Aĥmed’dür

Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017