Eşk·i çeşmümden olur cūş itdügi ırmaġlar
21.10.2020
Fāʿilātün fāʿilātün fāʿilātün fāʿilün
Eşk·i çeşmümden olur cūş itdügi ırmaġlar
Dūd·ı āhumdandur ebr olduġı her dem daġlar
Rūz u şeb yaşlar döker dolāb ser-gerdān olup
Girye vü zārī ile ṭurmaz neyiçün aġlar
Nālem işitdükçe ditrer berg ārām eylemez
Yaşumı gördükçe her āb·ı revānlar çaġlar
Gözlerüme sensüz ey rūh·ı revānum bir nefes
Gülşen ile neyleyüm külẖān görinür bāġlar
Geldüġüñce güldürürsin gül gibi dil bülbülin
Gitdüġiñce lāleveş baġrumda ḳorsun daġlar
Firḳatüñ zaẖmıyla Mihrī çoḳdan olurdı helāk
Müstedām ol yine vaṣluñ aña merhem baġl
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
