Mefʿūlü fāʿilātü mefʿāīlü fāʿilün
Ey dil bahār faṣlı vü çün devr·i lāledür
Lā dimezüz ki ʿāşıḳa sevdā ḥavāledür
Bezm·i çemende ṣaḥn·ı gülistānda devr iden
Sāḳī elinde sāġar ü sāfī piyāledür
Dil-ber cemāli üzre ʿarāḳlar ki dizlüdür
Gül yapraġında ṣanasın anı ki jāledür
Maʿşūḳ elinde cevr ü cefā vü ʿitāb ü nāz
ʿĀşıḳ dilünde şām u seḥer āh u nāledür
Bu rūz içünde kūşe·i gülşende Mihrīyā
Devlet anuñ ki hem-demi bir çeşm·i āledür
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
0
0
Yorum Yapmak için Kayıt Olun veya Giriş Yapın