Gazel
Felekte halka-i bâbun tasavvur itdüm idi
Bu gice gözüme göründi mâh-ı nev a’lâ
Misâl-i mâh-ı nevi meşk ider debîr-i felek
Garaz bu kim çeke menşûr-ı fazluna tuğrâ
Meh-i ruhundaki nûr-ı fazîletin göreli
Çerâğ-ı bezmüne pervâne zümre-i fuzalâ
Mehemmed oldı senün nâmun ey felek-rif’at
Hilâl eğer sana farkın kadem iderse revâ
Hilâl-veş yanılup kaddi lâm ola şol kim
Koyup izin tozın iksîr-i zer ola cûyâ
------------