Gamuñla defter ü dîvânam ey dost

Gazel

Gamuñla defter ü dîvânam ey dost

Kitâb–ı ‘aşkuña cunvânam ey dost

Temâşâ-yı cemâle öyle mahvam

Saña âyîneveş hayrânam ey dost

Meded cellâd-ı çeşmüñ kiştesîyem

O hûnî–gamzeñe kurbânam ey dost

Harâb-âbâd-ı caşkuñda yapılduk

Gamuñla gerçi kim vîrânam ey dost

Men ol pervâneyem şem-i cemâle

Ki rûz–i haşre dek sûzânam ey dost

'Acebdür hâlümüz gayrîye pürsiş

Heme–esrârumı gûyânam ey dost

Niçün âzâr idersin ben garîbi

Bir iki gün saña mihmânam ey dost

Nihâduñda ‘aceb yok mı terahhum

Revâ mı rûz ü şeb nâlânam ey dost

Gülistân-ı visâlüñ bülbüliyem

Yine Neş’ et gibi nâlânam ey dost

Hoca Neşet Hayatı ve Edebi Yönleri