Gazel Cihân-ı bî-bekâ fikriyle kalbim âşinâ itmem

Gazel

Mefâ‘îlün Mefâ‘îlün Mefâ‘îlün Mefâ‘îlün

Cihân-ı bî-bekâ fikriyle kalbim âşinâ itmem

Gam-engîz olmayan efkârdan çokluk safâ itmem

Şeh-i iklîm-i fakram tâbiş-i mihnetle cân virsem

Varup ben ilticâ-yı sâye-i perr-i Hümâ itmem

Vücûdın mahv iden dîvâne-i sahrâ-neverdem ben

Düşürmem kûha ‘aks-i nâlemi sıyt u sadâ itmem

Dimiş sultân-ı gam birdür yanumda cümle ‘aşk ehli

Felek gibi gedâyı şâh idüp şâhı gedâ itmem

Gözüm ey Hâletî bildürdi gönlüm akduğın yâra

Anunçün söylemem tafsîli ‘arz-ı mâcerâ itmem (Kaya 2003: 238)

Azmizade Haleti Hayatı