Gazel / Kalmıştır
Senin hâl-i izarından nişan anberde kalmıştır
Benim sûz-ı derunumdan eser micmerde kalmıştır
Ararlar nüsha-i adli gezerler câbecâ amma
O nüsha var ise sandûk-ı İskender'de kalmıştır
Deniler bozdular bikr-i nizam-ı alemi şimdi
Nizam ancak efendi sûret-i defterde kalmıştır
Müheyya bezm-i işret bir kadehle al elim sâkî
Benimle yâr beyninde heman bir perde kalmıştır
N'ola hayran olursam rûz u şeb ayine-veş Vasıf
Hayal-i akl u fikrim sûret-i dilberde kalmıştır