Gazel - Kiçe Kelgümdir Diban

 

 

Kiçe kelgümdir dibân ul serv-i gülrû kelmedi

Közlerimge kiçe tang atkunçe uykû kelmedi

 

 

Lahza lahza çıktım u çektim yolıda intizâr

Keldi cân ağzımga vü ul şâh-i bedhû kelmedi

 

 

Ârazıdek aydın erkende ger etti ihtiyât

Rûzgârimdek hem olganda karanğû kelmedi

 

 

Ul perîveş hecridinkim yığladım dîvânevâr

Kimse barmukim anga körgende külgû kelmedi

 

 

Közlerindin niçe suv kelgey deb öltürmeng meni

Kim bârı kân erdi kelgen bu kiçe suv kelmedi

 

 

Tâlib-i sâdık tapılmes, yoksakim koydı kadem

Yolgakim evvel kadem ma’şûke ötrû kelmedi

 

 

Ey Nevâî bâde birle hurrem et köngling üyin

Ne uçunkim bâde kelgen üyge kaygû kelmedi