GAZEL Meşhûrdur ki fısk ile olmaz cihân harâb

Meşhûrdur ki fısk ile olmaz cihân harâb

Eyler anı müdâhane-i âlimân harâb

 

Bilmez ki iki kat yıkılır kendi halkdan

İstar cihân yıkıldığını hânüman-harâb

 

A'mâl-i hayr süllemidir kasr-ı Cennetin

Mümkin mi çıkma olsa eger nerdübân harâb

 

Bir mevsim-i bahârına geldik ki âlemin

Bülbül hamûş havz tehî gül-sitân harâb

 

Çıkmaz bahâra değmede bîçâre andelîb

Pejmürde-bâl vakt şitâ âşiyân harâb

 

Elbetde bir sütûnu olurdu bu kubbenin

İzzet nihâyet olmasa kevn ü mekân harâb

 

Teslim olursa Pire madeng-i irâdesi

Olmaz diyâr-ı Rûm'da bir hanedân harâb

 

 Keçecizade İzzet Molla 

Mihnet Keşan