Gazel
Micmer göricek sûzumı içi oda yandı
Şem’ agladugum gördi yaşı kana boyandı
Âşık ki meded isteye âh ile yaşından
San tekyelenüp yile varup suya tayandı
Bî-vakt bitürdün şekerün üzre nebâtı
Bu haste ciger kanda lebün kandine kandı
Göz karasıla dil çü saçun bendine düşdi
Birez kara bahtına ilendi vü karandı
Öpüp lebüni zülfüne el urup uzandum
Gûyâ ki hayât âbın içüp ömri uzandı
Dil şîşesini seng-i cefâ ile uşatma
Çün kim bütün olmaz dahı ol şîşe ki_uşandı
Ey dil-ber-i cânâne iriş kim bu Melîhî
Mercân lebünün hecrile cânından usandı
Köksal, M. Fatih (hzl.) (2012). Edirneli Nazmî, Mecma’u’n-Nezâ’ir. https://ekitap.kulturturizm.gov.tr/dosya/1-292688/h/edirneli-nazmi-mecmaun-nezair.pdf. [erişim tarihi: 28.06.2013]. 2917.