Gazel - Yokmu

Gazel / Yokmu

Sâkî mey-i aşkın ferâha dâiri yok mu 
Âyâ bu humârân-ı meyin âharı yok mu 

Dil neyle olur vâkıf-ı esrâr-ı muhabbet 
Bu râz-ı nihânın acebâ zâhiri yok mu 

Lâyık mı beyim nâil-i vaslın ola ağyâr 
Uşşâk-ı felâket-zedenin hatırı yok mu 

Talim-i cefâ niçin alur şûh dîğerden 
Cevr ü sitemin ol perîde hâzırı yok mu 

Her kime gönül versem eder bağrımı sûzan 
Hûbân-ı zamanın bana bir acısı yok mu 

Vâsıf niçin evsâfını etmezler o şûhun 
Üftâdelerinin acebâ şâiri yok mu

  Enderunlu Vasıf