Geçmez ele kolaylık ile dâmenüñ senüñ

Mef‘ûlü Fâ‘ilâtün Mef‘ûlü Fâ‘ilâtün

 

1. Geçmez ele kolaylık ile dâmenüñ senüñ

Virse yakayı bâri ele gerdenüñ senüñ

 

2. Yer kalmamış nezâreye ‘uşşâk-ı zâr içün

Almış rakîbler yine pîrâmenüñ senüñ

 

3.3b Ton üstü sanma dostlugı vasluñ niyâz idüp

Sarılsa cism ü pâküñe pîrâhenüñ senüñ

 

4. Kurbânuñ oldıgum göre şu cân-fidâlıgı

Hâl-i lebüñ dimez dil ü cânı benüñ senüñ

 

5. Her çend seng-dil ise de yumşar beni görüp

Nâziklik ile göñlümi aldı tenüñ senüñ

 

6. Kânî n’ola bogazı geçişse lebüñ öpüp

Tozlı oturdı hâme-i şûr-efgenüñ senüñ

 

Dr. İlyas YAZAR , K Â N Î D Î V Â N I, Ankara 2012

 

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri