Seher ki Husrev-i hâver kulaguŋa çala kûs
Humâr def’ine tut câm-ı mey çü çeşm-i horûs
‘İzâr-ı sâkî ki her câma saldı bir ‘aksin
İfâde eyledi akmâra nûrı san-ki şümûs
3. Oturdı sadr-ı safâya cenâb-ı pîr-i mugân
Serîr-i saltanat ü şevkete Cem itdi cülûs
Elinde sâgar-ı ‘âlem-nümâ cihân şâhı
Gedâ-yı meykede dâgıyla gitdi Keykâvûs
5. Saŋa ki oldı berât-ı müsellemi teslîm
Ne derddür başuŋa çekme NEHCÎ kayd-ı Rûs
Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012