fāʿilātün fāʿilātün fāʿilātün fāʿilün


Geh cefā geh cevr geh nāz oldı çün kim ẖū saña
Bī-vefā dil-dār imişsin ey ṣanem yā hū saña


Ḳıble ḥaḳḳı ṭoğruyam yoluñda ben līkin raḳīb
Egri sözler söylemişdür ey hilāl-ebrū saña


Gördi zülfin öpdüğüm ẖışm eyleyüb dil-ber didi
Varasın ögünesin eger ḳalursa bu saña


Ola cismümde benüm her üstüẖānum māh·ı nev
Ger olam ey māh-rū bir gice hem-pehlū saña


Ey göñül ʿışḳ odına yanmaḳ saña oldı ḥalāl
Vey gözüm mihrinde ol māhuñ ḥarām uyẖu saña


Devr·i ḥüsninde Necātī şād ü ẖandānsın yine
Luṭf yüzin gösterübdür beñzer ol meh-rū saña

 

  Necati Bey Hayatı

Necati Bey Şiirleri