GAZEL
Mef'ûlü / mefâ'îlü / mefâ'îlü / fe'ûlün
Geldümse n’ola ben şuarâ devrine âhır
Âdet budur âhırda gelür bezme ekâbir
Sâfî zarar vermez sana etfâl ile sohbet
Gam çekme girür cennette erbâb-ı sagâ’ir
Ey meh n’ola şehbâz-sıfat tutsan el üzre
Şehründe bizüz şimdi gözi boğlu müsâfir.
Hiç neyleyeyin bu dil-i âvâreyi bilmem
Ne vuslata kâdir sana ne fûrkata sâbır
N’etsün ya güzel sevmeyüp Allah’ı seversen
Nev’î gibi bir rind husûsâ ola şair