Ger baña rıhlet müyesser olsa ‘ukbâdan yaña

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

Ger baña rıhlet müyesser olsa ‘ukbâdan yaña

Bakmayam bir kez dönüp vallâhi dünyâdan yaña

Âteş-i gam ger vücûdum hânesin kılsa remâd

Açmayam minnet gözin ‘âlemde deryâdan yaña

Ay u gün âyîne-i maksûdum olursa dahı

Bir nefes yüz tutmayam bu çarh-ı mînâdan yaña

Âftâb-ı ‘ışk tâbından yanaram sanmañuz

İltimâs-ı sâye iltem serv-i bâlâdan yaña

La‘l-i cânân gibi cân virse Behiştî câm-ı mey

Kılmayam hergiz ayak seyrin Kalata’dan yaña

Dr. Yaşar AYDEMİR, BEHİŞTÎ DÎVÂNI,

Behişti  Ramazan 

Vizeli Behişti Ramazan Hayatı Eserleri