Gerçi dil mecrūḥdur hicrüñle gözde nem de var
Fāʿilātün fāʿilātün fāʿilātün fāʿilün
Gerçi dil mecrūḥdur hicrüñle gözde nem de var
Ḥamdülillāh kim viṣālüñden aña merhem de var
Dil-ġarībin nār·ı hicrān ger yaḳarsa ġam yeme
Saña ey ḳanlu yaşum āhum gibi hem-dem de var
Tīġ·i ḳahruñdan cigerler pārelendi gerçi āh
ʿĀteş·i ʿışḳuñ yanar sinemde gūyā dem de var
Atmasun mı tīr·i ġamzeñden kemān ebrūlaruñ
Yalıñuz cānum degül aña hedef sīnem de var
Hem-dem olduñsa ḥabibe ġurre olma müddeʿī
Bu cihāndur şādlıḳ soñında lā-büd ġam da var
Sāye·yi dildārla germ olma sen ʿāşıḳlara
Dil-berüñ laʿli nebātın dişlemiş ādem de var
Bu cihān bāġında Mihrī nice nālān olmasun
Bir senüñ gibi ẖuṣuṣā ġonca-leb gül-fem de var
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
