Gönlümi yıkmak benüm şâhum revâ gördün mü hiç
12.04.2016GAZEL
Fâ'ilâtün / fâ'ilâtün / fâ'ilâtün / fâ'ilün
Gönlümi yıkmak benüm şâhum revâ gördün mü hiç
Kendü iklîmin yıkar bir pâdişâ gördün mi hiç
Hûblarda sen perî-peyker melek-manzar gibi
Cân-ı uşşâka görünmez bir belâ gördün mi hiç
Ben senün gibi cefâ-cû dilbere dûş olmadum
Sen benüm gibi belâ-keş mübtelâ gördün mi hiç
Sâlik-i mülk-i adem olmış miyânun aşkına
Bu dil-i şeydâ gibi ehl-i fenâ gördün mi hiç
Bunca yıllardur işün hercâyîlikdür ey felek
Ol yüzi mâhum gibi bir bîvefa gördün mi hiç
Güllerin ben hep fenâ sûretlü buldum gülşenün
Sen de bak gör ey gönül rûy-ı bakâ gördün mi hiç
Görmeyelden Nev’iyâ bir ay olupdur ol mehi
Şehir içinde ana benzer mehlikaa gördün mi hiç
0
0
Yorum Yapmak için Kayıt Olun veya Giriş Yapın