Gördi bir māh-likāyı yine sevdi gözümüz
Feʿilātün feʿilātün feʿilātün feʿilün
Gördi bir māh-likāyı yine sevdi gözümüz
Göz ucından göze göz odlara atduḳ özümüz
Leb·i vaṣfından anuñ ṣormaġa ben cān virürem
ʿArż·ı ḥāl itmeġe līkin aña doymaz yüzümüz
Ruẖ·ı devrinde virür zülfi bize ʿömr·i dırāz
Feraḥından bir olupdur gicemiz gündüzümüz
Yapışup dāmen·i aġyāra müdārā iderüz
Nitekim yalvaruruz bir çöpe geçmez sözümüz
ʿIşḳ·ı rāhında anuñ ẖāk ile yeksān olalum
Cān mülkin yıḳalum göklere çıḳsun tozumuz
Āsumānīler atar göklere āhum dün ü gün
Berḳ·i āhumla ʿaceb yanmaz ise yıldızumuz
Ruẖ·ı şemʿine anuñ Mihrī çü pervānelerüz
Yanalum yaḳılalum bir pula almaz yüzümüz
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
