Ḥacı Nābī bizüm Allāha ḳalupdur işümüz
21.10.2020
Fāʿilātün fāʿilātün fāʿilātün fāʿilün
Ḥacı Nābī bizüm Allāha ḳalupdur işümüz
Ki bu hercāˀilere uġradı ḳutsuz başumuz
Ḳadri bilinmeyen ʿāşıklar içün ḥaşre degin
Dögelüm başumuzı taşlara aḳsun yaşumuz
Ḫārı elden ḳoyalum cān virelüm gül yolına
Ḳaçan ise gidecekdür ḳoya gitsün başumuz
Ḳuru lāf ile cihānı bize güldürmeyelüm
Sırrile işleyelüm her işi bitsün işümüz
Loḳma loḳma ḳoysunlar etümüz her demde
Rāżıyuz tek her uyuz it yemesünler leşimüz
Düşde gördüm ki rakībi bile reddeyledi yār
Añla taʿbirümüzi ẖayra dönüpdür işümüz
Dil-berüñ yolına Mihrī dürüşüp cehd idelüm
Ḳalsun ol yolda bizüm dırnaġumuzla dişümüz
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
