Fâilâtün Fâilâtün Fâilâtün Fâilün

Hamdüli'llâh zahir oldı mu'ciz-i Peygamberi

Gaziler din aşkma arslana döndi her biri

Şâd u mesrur oldı cümle ehl-i İslâm askeri

Hak Taâlâ Moskov'un fethin müyesser eyledi

Lutf u ihsan eyleyüben ol ganî Perverdigâr

Eyledi Moskov çerisin her birini tarumar

Gaziler seyfinden oldu canlan nâra süvâr

Hak Taâlâ Moskov'un fethin müyesser eyledi

Gözümüz yaşına bakup ol yüce sultânumuz

Feth ü nusretin müyesser eyledi Sübhân'umuz

Hamdüli'llâh gazi oldı Sultan Ahmed Hân'umuz

Hak Taâlâ Moskov'un fethin müyesser eyledi

Yüzümüzün karasına bakmayup Rabb-i Celîl

Ol Muhammed hürmetiyçün etmedi bizi rezîl

Ayak altında koyup kâfirleri kıldı zelîl

Hak Taâlâ Moskov'un fethin müyesser eyledi

Ger kanatlansa karınca erişir elbet zeval

El-aman çağırdı cümle ol lâîn ü bed-fiâl

Ey Ömer lutf etdi İslâm leşkerine Zülcelâl

Hak Taâlâ Moskov'un fethin müyesser eyledi

 Aşık Ömer Hayatı Edebi Kişiliği