Hat-ı nev-hîz gelmiş rûy-i âle inceden ince

GAZEL

Hat-ı nev-hîz gelmiş rûy-i âle inceden ince

Yine horşid yüz tutmuş zevale inceden ince

İderdim câme-hâb-ı nâzda bir buseye cür'et

Eğer kalkışmasa çeşmi su'âle inceden ince

3Kılı kırka yarar üstâd-ı tab'-ı nükte-perdâzım

Miyânın her ne dem alsam hayâle inceden ince    

Dehân-ı tengidir var ise ger ol nokta-i mevhum

K'alur erbâb-ı hikmet anı kaale inceden ince    

İdüb târ-ı beyâni hadde-i i'cazdan imrâr

Girişdin Galiba arz-ı kemâle inceden ince

mefâ'ilün mefâ'ilün mefâ'ilün mefâ'ilün

Leskofçalı Galip