Ḫaṭṭuñ benefşe ẖaddüñ ẖoş yāsemīne beñzer

Mefʿūlü fāʿilātün mefʿūlü fāʿilātün

Ḫaṭṭuñ benefşe ẖaddüñ ẖoş yāsemīne beñzer
Gülzār·ı ḥüsnüñ ey dōst cennet içine beñzer

Ḥaḳḳın di ey felek sen gördüñ mi devr idelden
Ḫalḳ·ı cihānda bir ẖūb bu nāzenīne beñzer

Yüzüñ görüp ḥasedden bedr olmasun ḳamer hiç
Öykinmekile ḳaçan sen meh-cebīne beñzer

Ḥalḳa oldı firkatüñden ḳāddüm benüm ey bī-raḥm
Baġruñ senüñ ʿacebdür seng·i nigīne beñzer

ʿIşḳuñ yolında cānā cān virdigüm görenler
Dir ehl·i ʿışḳ içinde Mihrī güzīne beñzer

Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4

Mihri Hatun Hayatı Şairliği