Hayâle sihr iderlerse Mâniyân-ı hayâl

Hayâle sihr iderlerse Mâniyân-ı hayâl

 Bulınmaya yine tâ ey dil ol miyân-ı hayâl

 ‘Aceb ne bend-i tılısm ile eyledi hikmet

 Miyân-ı mûyuŋı gencîne-i nihân-ı hayâl

3. Sabâha dek tolaşup pîç pîç bulmadılar

 Güşâyiş-i kemer-i vaslı şeb-revân-ı hayâl

 Nigâr-hâne-i Çîn itdiler Züleyhâya

 Açılmadı ruh-ı vuslat musavvirân-ı hayâl

5. Biri birin basarak toldılar reh-i nazara

 Gelince şâh-ı hayâlüŋ nezâregân-ı hayâl

 Fezâ-yı dîde olur ‘arsagâh-ı rüstâhîz

 Hayâl-i feyz-i lebüŋ k’ide feyz-i cân-ı hayâl

7. Hasan geleydi zamânuŋda tıfl-ı tab’uŋdan

 Telemmüz eyler idi NEHCÎ nev-zebân-ı hayâl

Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012

BESNİLİ NEHCİ DEDE KİMDİR