Hubanname'den
29.08.2016
Hubanname'den
Der-Beyân-ı Hûbân-ı İslâmbol
Hâric ez-akl-ı beşer İstanbul
İremez gâyetine ehl-i ukûl
Ya'ni her gûşesidir bir mahşer
Dahı her nâhiyesi bir kişver
Sanki bir nüsha gibidir dünyâ
Bu da fihrist-i kitâb olmuş ana
Sanki âlemde bu bir dürr-i yetîm
Bir sadef olmuş ana heft iklîm
Pencüm iklîmde ol şehr-i safâ
Bunda gâyet ile hoş âb u hevâ
Öyle bir şehr-i acâyib-meşhûn
Taş u toprağın ide Hak altun
Benzemez birbirine hûbânı
Müte'addid görünür elvânı
Cümlesi şûh u firîb ü tannâz
Mahrem-i şu'bede-i nâz u niyâz
Söyleşir gûşe-i ebrûsı ile
Gâhice gamze-i câdûsı ile
Her biri nâz u sitem üstâdı
Cümlenin cevr ü cefâ mu'tâdı
